Në zbatim të Vendimin të Këshillit të Ministrave Nr. 20, datë 18.1.2023 “Për një ndryshim në vendimin nr. 298, datë 20.4.2016, të Këshillit të Ministrave, “Për organizimin dhe funksionimin e Agjencisë Kombëtare të Turizmit”.

Drejtor i Përgjithshëm i Agjencisë Kombëtare të Turizmit

Afati për dorëzimin e dokumenteve 01.02.2023 pranë Ministrisë së Turizmit dhe Mjedisit

Përshkrimi përgjithësues i punës për pozicionin si më sipër është:

a) Është përgjegjës për përcaktimin e objektivave dhe detyrave të drejtorive përbërëse, për monitorimin e veprimtarisë së tyre dhe koordinimin mes tyre;

b) Ushtron të gjitha kompetencat për drejtimin e veprimtarisë së Agjencisë në përputhje me legjislacionin në fuqi dhe me funksionet e objektivat e Agjencisë.

c) Bashkërendon punën midis strukturave të tjera brenda Agjencisë dhe cakton detyra dhe objektiva përkatës për t’u realizuar nga këto struktura.

d) Bashkërendon punën për hartimin e projektbuxhetit, sipas rregullave dhe afateve të përcaktuara në ligjin organik për buxhetin e shtetit, të cilin ia paraqet për miratim ministrit që mbulon fushën e turizmit.

e) Propozon programin vjetor të veprimtarive të Agjencisë, të cilin ia paraqet për miratim ministrit përgjegjës për turizmin.

f) Kontrollon mbarëvajtjen e aktivitetit të Agjencisë me qëllim arritjen e objektivave të përcaktuar dhe realizimin sa më të plotë të funksioneve të saj, si dhe merr masat e nevojshme për koordinimin sa më mirë të punës ndërmjet strukturave të Agjencisë.

g) Raporton rregullisht në lidhje me mbarëvajtjen e aktivitetit të Agjencisë dhe realizimin e funksioneve të saj ministrin përgjegjës për turizmin.

KUSHTET PËR PRANIM DHE KRITERET E VEÇANTA

Kandidatët duhet të plotësojnë kushtet për pranim si dhe kriteret e veçanta si vijon:

a- Të zotërojnë diplomë të nivelit “Master Shkencor” ose të barasvlefshëm me të në shkenca shoqërore;

b- Të kenë të pakten 10 (dhjetë) vite eksperiencë pune në nivele drejtuese;

c- Të kenë njohuri shumë të mira të gjuhës Angleze;

d- Të kenë aftësi të mira menaxheriale;

e- Të mos jetë marrë ndaj tij masë disiplinore gjatë tre viteve të fundit;

f- Të mos jenë dënuar me vendim të formës së prerë për kryerjen e një vepre penale.

DOKUMENTACIONI, MËNYRA DHE AFATI I DORËZIMIT

Kandidatët duhet të dorëzojnë dokumentet si më poshtë:

a- Jetëshkrim i aplikantit;

b- Fotokopje të diplomës/diplomave dhe listes se notave (përfshirë edhe diplomën bachelor);

c- Fotokopje të librezës së punës (të gjitha faqet që vërtetojnë eksperiencën në punë);

d- Fotokopje të letërnjoftimit (ID);

e- Vërtetim të gjendjes shëndetësore (në momentin e fillimit të marrëdhënieve të punës);

f- Vetëdeklarim të gjendjes gjyqësore;

g-Dy referenca nga punëdhënës apo bashkëpunëtorë të mëparshëm;

gj-Certifikata për trajnime në lidhje me pozicionin për të cilin konkurojnë;

h- Vërtetim nga Institucioni që nuk ka mase disiplinore në vitin e fundit;

i- Çdo dokumentacion tjetër që vërteton dokumentet e përmendura në jetëshkrimin tuaj;

Dokumentat duhet të dorëzohen drejtpërsëdrejti në MTM brenda datës 01.02.2023

Mosparaqitja e plotë e dokumenteve sjell skualifikim të kandidatit.

REZULTATET PËR FAZËN E VERIFIKIMIT PARAPRAK

Drejtoria e Administrimit të Burimeve Njerëzore, Aseteve dhe Shërbimeve do të shpallë në faqen e internetit të MTM-së, listën e kandidatëve që plotësojnë kushtet dhe kërkesat e posaçme për konkurim, si dhe datën, vendin dhe orën e saktë kur do të zhvillohet intervista.

Në të njëjtën datë kandidatët që nuk i plotësojnë kushtet dhe kërkesat e posaçme do të njoftohen individualisht (nëpërmjet adresës së e-mail), për shkaqet e moskualifikimit.

FUSHAT E NJOHURIVE, AFTËSITË DHE CILËSITË MBI TË CILAT DO TË ZHVILLOHET INTERVISTA

Kandidatët gjatë intervistës së strukturuar me gojë do të vlerësohen në lidhje me:

-Njohuritë mbi Ligjin nr. 93/2015 “Për Turizmin”;

-Njohuritë mbi Ligjin nr. 44/2015, “Kodi i Procedurave Administrative të Republikës së Shqipërisë”;

-Njohuritë mbi Ligjin nr. 90/2012, “Për organizimin dhe funksionimin e administratës shtetërore”;

-Vendimin nr. 298, datë 20.4.2016, të Këshillit të Ministrave, “Për organizimin dhe funksionimin e Agjencisë Kombëtare të Turizmit”, i ndryshuar;

-Njohuritë, aftësitë, kompetencën në lidhje me përshkrimin e pozicionit të punës;

-Motivimin, aspiratat dhe pritshmëritë e tyre për karrierën;

MËNYRA E VLERËSIMIT TË KANDIDATËVE DHE KOMUNIKIMI

Kandidatët do të vlerësohen me pikë si më poshtë:

a- Intervistën e strukturuar me gojë, deri në 60 pikë;

c- Jetëshkrimin, që konsiston në vlerësimin e arsimimit, të përvojës e të trajnimeve, të lidhura me fushën, deri në 40 pikë.

Në përfundim të vlerësimit të kandidatëve, Njësia e Burimeve Njerëzore në MTM do të njoftojë ata individualisht në mënyrë elektronike për rezultatet (nëpërmjet adresës së e-mail) dhe do të shpallë fituesit në faqen zyrtare të ministrisë.

Aplikimi dhe dorëzimi i të gjitha dokumentacioneve të cituara më sipër, duhet të bëhet brenda datës 01.02.2023 në protokollin e Ministrisë së Turizmit dhe Mjedisit;

Zhvillimi i intervistës do të zhvillohet në datën 13.02.2023, në ambientet e Ministrisë së Turizmit dhe Mjedisit;