Postuar më: 16/04/2020

Klosi: Parku Kombëtar i Qafë-Shtamës, potencial për zhvillimin e guidave të sporteve në turizëm

Ministri i Turizmit dhe i Mjedisit, Blendi Klosi zhvilloi një takim me studentët e Masterit Profesional për Menaxhim të Sporteve në Turizëm, të Universitetit të Sporteve, Tiranë, të cilët po kryenin praktikën mësimore në ambientet Shkreli Resort, në zemër të Parkut Kombëtar Qaf-Shtamë. “Bëhet fjalë për të rinj dhe të reja të specializuara për të bëjnë guida profesionale për tipe të ndryshme në turizmin tonë. Dhe kur këto vijnë nga Fakulteti i Sporteve padyshim që janë shumë të kërkuara dhe ky treg i ri që është hapur në Shqipëri treg i ri i shoqërimit, të tregimit të natyrës së vendit tonë edhe i sporteve të aventurës është realisht nga më të kërkuarit. Ne si ministri në bashkëpunim me operatorët turistik gjithmonë kemi shumë kërkesa për profesionin tuaj. Njerëz që dinë se çfarë është Shqipëria, dinë ta tregojnë Shqipërinë ashtu siç duhet, dinë të shoqërojnë në ambiente të ndryshme dhe në zona të caktuara si kjo e Qaf Shtamës, turistët e huaj.”, ju tha Ministri Klosi studentëve të këtij masteri.

Ata kërkuan një takim dhe prezantim me operatorët turistik të vendit, pasi dhe disa muaj dhe ata janë gati për të hyrë në tregun e punës. Diploma e studentëve të kësaj dege, është e njehsuar dhe njihet në Shqipëri dhe vendet e Rajonit. Në Parkun Kombëtar të Qaf-Shtamës mund të ushtrohen shumë mirë sportet e natyrës, sic janë ecje nëpër shtigjet e hapura enkas, hiking, çiklizëm, ngjitje në majat përreth, kamping dhe ski. “Është një nga ato sfidat që ka Shqipëria dhe një nga ato politika që merret institucioni ynë që ta afrojmë turizmin me shqiptarët. Në flasim shumë për turizmin për milliona turistë që i ofrohen Shqipërisë, miliona turistë që kanë qenë vitet e fundit, rreth 7 milionë turistë pritet që të vijnë këtë vit, por ne na duhet ta promovojnë shumë më tepër për qytetarët shqiptarë. Pra, që ta njohin dhe ata shumë më tepër Shqipërinë dhe të ndihmojnë kaq shumë investime që po bëjnë në turizëm. Prandaj ajo që tha dhe profesori është që na duhet që përvecse të dine, të ketë edhe argëtim, të kenë arsye përse të qëndrojnë në një pikë kaq të bukur si Qaf Shtama. Pra të bëjnë ecje në natyrë, ecje në bukuritë e kësaj zone, të njihen me aktivitete të ndryshme dhe pastaj të bëhet një komunikim më shumë përsa i përket kësaj hapësire”, tha Minsitri Klosi. Në fund të takimit Minsitri Klosi ju dorëzoi Administratorëve të Shkreli Resport cerfikatën e kategorizimit, si resort në fushën e agro-turizmit.

Pjesë e Vargmalit të Skënderbeut, Qafë-Shtama ofron një natyrë mbresëlënëse, në një lartësi prej 1100 dhe ngrihet lart deri në Majën e Liqenit, 1725 m mbi nivelin e detit dhe ndërthuret me vlerat kurative, ujin e familjes mbretërore dhe historisë së 90 vajzave krutane që u flijuan te “Shkëmbi i Vajës”. Zona e Mbrojtur e Parkut të Qafë-Shtamës që ka një frekuentim gjithëvjetor, ka një sipërfaqe prej rreth 20 km2, e shpallur si e tillë prej vitit 1966. Ajo gjendet rreth 25 km në verilindje të qytetit të Krujës. Ky park, prej kohësh ka tërhequr vëmendjen e qytetarëve, si vend kurativ dhe turistik.

Fjala

“Është shumë e rëndësishme, ju që jeni futur në një profesion që ka kaq shumë kërkesa në Shqipëri. Bëhet fjalë për të rinj dhe të reja të specializuara për të bëjnë guida profesionale për tipe të ndryshme në turizmin tonë. Dhe kur këto vijnë nga Fakulteti i Sporteve padyshim që janë shumë të kërkuara dhe ky treg i ri që është hapur në Shqipëri treg i ri i shoqërimit, të tregimit të natyrës së vendit tonë edhe i sporteve të aventurës është realisht nga më të kërkuarit. Ne si ministri në bashkëpunim me operatorët turistik gjithmonë kemi shumë kërkesa për profesionin tuaj. Njerëz që dinë se çfarë është Shqipëria, dinë ta tregojnë Shqipërinë ashtu siç duhet, dinë të shoqërojnë në ambiente të ndryshme dhe në zona të caktuara si kjo e Qaf Shtamës, turistët e huaj. Jemi edhe me drejtorin e Agjencisë së Zonave të Mbrojtura dhe kemi folur shpesh se sa të nevojshme e kemi që Zonat tona të Mbrojtura, zona si kjo e Qaf Shtamës që është nga perlat e turizmit shqiptar ne t’jua tregojmë njerëzve që nuk e njohin Shqipërinë dhe brenda për brenda, janë shumë pak shqiptarë që e njohin edhe ne duhet ta promovojmë dhe prandaj duhet shumë që ju të jeni pjesë e këtij aktiviteti. Ju të ndiqni dhe të mbaroni këtë master dhe ju garantoj që profesioni juaj është një ndër profesionet më të paguara sot në tregun e turizmit. Profesioni juaj është një nga më të kërkuarit sot në tregun e turizmit dhe gjithë operatorët turistik paraqesin kërkesa për këtë profesion. Ajo që duhet ne të standartizojmë dhe për këtë ne kemi evidentuar të paktën 6 operatrë që ofrojnë investimet e guidës në Shqipëri është që këto të bëhen me standarde dhe përvecse të jeni të përgatitur nga përmbajtja të keni dhe më shumë kredite për sa i përket njohjes së historisë, të biologjisë së zonës, natyrës së zonës, florës faunës. Për këtë ka shumë nevojë që të bëhen aktivitete si ky që po organizohet në fushën e agro turizmit të Qaf Shtamës, që për ne dhe është një nga ato momentet më të rëndësishme për ta shpërndanë në gjithë Shqipërinë turizmin. Është një nga ato sfidat që ka Shqipëria dhe një nga ato politika që merret institucioni ynë që ta afrojmë turizmin me shqiptarët. Në flasim shumë për turizmin për milliona turistë që i ofrohen Shqipërisë, miliona turistë që kanë qenë vitet e fundit, rreth 7 milionë turistë pritet që të vijnë këtë vit, por ne na duhet ta promovojnë shumë më tepër për qytetarët shqiptarë. Pra, që ta njohin dhe ata shumë më tepër Shqipërinë dhe të ndihmojnë kaq shumë investime që po bëjnë në turizëm. Prandaj ajo që tha dhe profesori është që na duhet që përvecse të dinë të ketë edhe argëtim, të kenë arsye përse të qëndrojnë në një pikë kaq të bukur si Qaf Shtama. Pra të bëjnë ecje në natyrë, ecje në bukuritë e kësaj zone, të njihen me aktivitete të ndryshme dhe pastaj të bëhet një komunikim më shumë përsa i përket kësaj hapësire. Po e gjitha kjo fillon nga shkollimi dhe ju jeni profesionistët e kësaj fushe, për të cilët ne kemi jashtazakonisht shumë nevojë. Prandaj suksese në profesionin që keni zgjedhur dhe praktikisht ndihem shumë mirë që kaq shumë djem dhe vajza tashmë e kanë pranuar këtë risi të re që ne kemi, të paraqesim Shqipërinë në 365 ditë. Një Shqipëri e cila gjithë muajt të ketë turizëm. Pra nëse këtu në Qaf Shtamë bëhet një akivitet më shumë 24 orë, do të ketë më shumë turistë. Por, cfarë do të bëjnë po të vijnë deri këtu. Nuk mjafton vetëm hyrja duhet të kenë edhe një program, por kush do ta bëjë këtë program, do të jeni ju, dikush nga ju. Por, kjo gjë duhet të ndodhi në Korçë, në Lezhë, duhet të ndodhi në Shkodër, duhet të ndodhi në Valbonë, duhet të ndodhi në Theth, kjo gjë duhet të ndodhi në Berat, në Sarandë. Dhe të gjitha marrin tjetër kuptim kur kemi sportet e aventurës dhe profesionalist të sportit të aventurës. Eshtë një nga profesionet më të kërkuara në botën e turizmit, një nga profesionet që paguhet më shumë dhe kanë realisht shumë kërkesa sot në treg.

LEXO MË SHUMË